काठमाण्डौ – पावर ईन्टरनेशनल मिडिया नेपाल (पिम नेपाल)ले आफ्नो स्थापनाको तेश्रो वर्ष पुरा गरेर चौथो वर्षमा प्रवेश गरेका छ । संस्कृति, पर्यटन तथा नागरिक उड्डयन मन्त्री जीवनराम श्रेष्ठको प्रमुख आतिथ्यतामा भाद्र २५ गते राजधानीमा एक कार्यक्रमको आयोजना गरि पिम नेपालले आफ्नो स्थापनाको तेश्रोवर्षगाँठ भव्यरुपमा मनाएको हो । बरिष्ठ चलचित्र निर्देशक तथा कलाकार मोहन निरौलाको सभापतित्वमा सम्पन्न भएको उक्त कार्यक्रममा राष्ट्रिय गीतका रचनाकार व्याकुल माईला, बरिष्ठ संगीतकार राजु सिंह, बरिष्ठ पत्रकार विजयरत्न तुलाधर, बरिष्ठ पत्रकार एवं गीतकार शान्तिप्रिय, चर्चित संगीतकार सन्तोष श्रेष्ठ, गीतकार एवं सञ्चारकर्मी सुमन बैरागी, चलचित्र पत्रकार संघका उपाध्यक्ष जिवन पराजुली, चलचित्र पत्रकार एवं गीतकार डब्बु क्षेत्री, अभिनेता प्रवण भुषाल, संचारकर्मी सुर्य चन्द, चलचित्र पत्रकार गीता अधिकारी, डेल्फिन काउन्सिल नेपालका अध्यक्ष तथा चलचित्र निर्माता श्रीदेव विएल, साधना म्युजिक अवार्डकी अध्यक्ष एवं गीतकार सामना शाह, गोकर्ण लामिछाने, सञ्चारकर्मी बाबुराम सिग्देल, सञ्चारकर्मी सुमन कुमार श्रेष्ठ, गायिका लक्ष्मीपुरी प्रधान, चलचित्र विकास वोर्डका अर्काईभिष्ट एवं अन्तराष्ट्रिय सुचना अधिकारी चिरञ्जिवी गुरागाई आदीको कार्यक्रममा सहभागिता रहेको थियो ।
उक्त कार्यक्रममा वाईल्ड लाईफ फोटोग्राफर चुङ्वा शेर्पा, बागमति सफाई महाअभियानको संयोजक एवं बाल सारथी संस्थाको अध्यक्ष डा. माला खरेल, खेलाडी तथा लङ लाईन रेस्क्यू गर्ने पहिलो नेपाली महिला फुन्जो ज्याङ्मु लामा, गीतकार पुरुषोत्तम सानु, अधिवक्ता हरी वहादुर कार्की, गायक ओम सुनार, गायिका अस्मिता श्रेष्ठ, गीतकार समिर खान लगायतलाई विषेश सम्मान समेत गरिएको थियो ।
कला संस्कृति, गीत संगीत, पर्यटन, समाजसेवा लगायत विभिन्न क्षेत्रमा ख्याति कमाएका व्यक्तिहरुलाई यस संस्थाले प्रोत्साहन गर्दै आएको छ भने कला र संस्कृतिको जगेर्नाको लागि आफु र आफ्नो कार्यसमितिका सदस्यहरु अहोरात्र लागि परेको पिम नेपालका अध्यक्ष माधव खरेलले बताए । सो कार्यक्रमको स्वागत मन्तव्य संस्थाको महासचिव कमला जोशीले गरेकी थिईन । संस्थामा उपाध्यक्ष पुर्ण राई र श्रीदेव भट्टराई, सचिव राजन थापा, कोषाध्यक्ष राजन खरेल, सदस्यहरु राममणि ढकाल, सपना जोशी, गीता सिंह, रज्जु गुरुङ, शोभा जि.सी, अर्जुन खरेल, नम्रता खरेल लगायतका रहेका छन् ।
कार्यक्रममा कला, साहित्य, संस्कृति, चलचित्र एवं गीतसंगीतका माध्यमबाट नेपालको पर्यटन प्रवद्र्धको विकासका लागि महत्वपुर्ण काम गर्न सकिने प्रमुख अतिथि संस्कृति, पर्यटन तथा नागरिक उड्डयन मन्त्री श्रेष्ठले बताए । उक्त कार्यक्रममा सरकारका तर्फबाट यसै वर्ष देखी “भिजिट नेपाल डिकाडे”को अभियान सञ्चालन गरिने समेत बताए । पिम नेपाल जस्ता संस्थाहरुले कला संस्कृति एवं गीतसंगीत र पर्यटनको प्रवद्र्धनका लागि गरेका कार्यहरु पक्कै पनि देशको पर्यटन विकासका लागी महत्वपुर्ण भुमिका खेल्न सक्ने प्रमुख अतिथि मन्त्री श्रेष्ठले बताए ।
संचारकर्मी तथा संगीतकार सरोज कोईरालाले सञ्चालन गरेको उक्त कार्यक्रममा शान्तिप्रिय, राजु सिंह, सन्तोष श्रेष्ठ, ब्याकुल माईला आदीले संस्थाको कार्यलाई सह्रना गर्दै आ–आफ्नो शुभकामना मन्तव्य व्यक्त गरेका थिए ।